Lugina Douro është një trevë rreth lumit me të njëjtin emër, në veri të Portugalisë, në afërsi të qytetit Porto. Kjo zonë njihet botërisht për prodhimin e verës (sidomos verës Porto), traditë kjo që daton që 2.000 vjet.
Kodrinat dhe luginat e kësaj treve janë të mbuluara me terracat e hardhisë së rrushit, ku rrushi kultivohet që nga lumi deri të majat më të larta të saj.
Kjo trevë ofron një panoramë spektakolare, përplot ngjyra, që ndryshojnë gjatë gjithë vitit. Në vjeshtë kjo luginë merr ngjyrë të kuqe dhe të artë, gjatë verës është e gjelbër, ndërkaq në shkurt dhe mars dominohet nga ngjyra e bardhë dhe ajo rozë.
Kjo luginë në vitin 2001 është regjistruar në UNESCO si vend e jashtëzakonshëm me traditë mbi 2000 vjeçare të prodhimit të verës. /NGJYRA.COM/
