Sioni është një nga vendet më të njohura dhe më të bukura në Shtetet e Bashkuara të Amerikës, kur bëhet fjalë për ecje në natyrë.
Në Parkun Kombëtar të Sionit, në Utah, gjendet një mrekulli e vërtetë natyrore, e pagëzuar me emrin Subway (metroja) – sipas hyrjes harkore.
Janë dy rrugë që çojnë te ky nënkalim. Të lehta për t’u kaluar nuk janë asnjëra, por për njërën nuk kërkohen pajisjet speciale, ndërsa tjetra rekomandohet vetëm për ata me përvojë.
Në të dy rastet mundi shpaguhet me pamjet spektakolare dhe mundësinë për t’u freskuar në pishinat e këtij tuneli natyror.
Meqë ky vend është shumë i popullarizuar, turistët duhet t’i bëjnë rezervimet paraprakisht. /NGJYRA.COM/
