Pasi që fëmijët kurrë nuk pushojnë së imagjinuari botën e tyre përplot kështjella, princesha, vetura, shtëpi të jashtëzakonshme… ju sjellim disa dizajne të shtretërve që ëndrrat e tyre i bëjnë realitet.
Përderisa imagjinata e fëmijëve fillon mu nga shtrati – atëherë le t’ju krijojmë një privatësi ku ata me dëshirë do ta kalonin kohën në botën e tyre imagjinare.
Sot, shumë mobilieri sjellin dizajne atraktive për dhomat e fëmijëve, ku shtrati padyshim që ka vëmendjen kryesore dhe kjo është arsyeja pse ju kemi sjellë pikërisht disa dizajne të shtretërve me stile dhe forma nga më të ndryshmet.
Natyrisht, që vajzat gjithmonë janë të pasionuara pas princeshave, dhe kjo është arsyeja pse ato ëndërrojnë një shtrat në formë të kështjellës, karrocës…, dhe zakonisht këto modele të shtretërve janë me ngjyra të buta si e roza dhe e vjollca.
Ndërsa për djemtë kemi zgjedhur shtretërit që përngjajnë në vetura, të cilat asnjëherë nuk janë të mërzitshme, pastaj anije, etj.
Përveç kështjellave për vajza, dhe veturave për djem, për fëmijët tuaj kemi zgjedh edhe dizajne tjera të shtretërve, që mund të shfrytëzohen për të dyja gjinitë dhe janë po ashtu shumë atraktive. /NGJYRA.COM/
