Ju propozojmë që seksin ta pasuroni me lojërat mikluese erotike, të cilat me siguri do t’ju relaksojnë, do t’ju argëtojnë dhe vërtet do t’ju eksitojnë.
Zare seksi
I keni në dispozicion tri zare, mund t’i blini në çdo dyqan të mjeteve seksuale. Në njërën ndër to janë shkruar gjashtë veprime, në të dytën gjashtë kohëzgjatje, ndërkaq në të tretën gjashtë pjesë të trupit.
Duke i hedhur të tri zaret njëkohësisht do të arrini kombinime interesante, të cilat do t’ju shërbejnë si udhëzim për të zbatuar lojën erotike.
Pra, nëse zaret tregojnë kombinimin “sisët – 3 minuta lëpirje”, kjo do të thotë që patjetër duhet t’ia lëpini tre minuta sisët. Nëse kombinimi është “përkëdhelje – vithet 1 minutë” sërish veproni sipas udhëzimeve të zareve.
Njëra ndër kombinimet me siguri do të jetë ajo fitimtarja, e cila partnerin tuaj do ta sjellë deri te dëshira që veprimin ta zgjasni më shumë se koha e urdhëruar.
Nëse keni imagjinatë dhe nuk dëshironi t’i përdorni zaret, atëherë pjesët e trupit, veprimet dhe kohëzgjatjen mund t’i shkruani në copëza letre të ngjyrosura në tri ngjyra apo t’i vini në tri qese të ndryshme.
Rrotullimi i shishes
Me siguri keni dëgjuar për këtë lojë erotike. Për këtë lojë nevojiten një shishe dhe guximi. Ju dhe partneri uluni në dysheme, njëri përballë tjetrit, ndërkaq shishja le të jetë midis jush. Këtë lojë mund ta luajnë edhe më shumë njerëz.
Silleni shishen dhe prisni të ndalet. Para atij personi që do të ndalet gryka e shishes do t’i bëhet një pyetje apo një sfidë. Personi i zgjedhur vendos vetë cilën nga këto mundësi t’i shfrytëzojë.
Nëse zgjedh pyetjen, atëherë mund ta pyesni çka të dëshironi ju, ndërkaq ai patjetër duhet t’ju përgjigjet sinqerisht.
Nëse e zgjedh sfidën, ju do t’ia caktoni një detyrë të vështirë. I sfiduari patjetër duhet ta plotësojë kërkesën tuaj.
Nëse e ka zgjedhur pyetjen, mund ta pyesni pa kurrfarë ngurrimi , p.sh. çka ka menduar derisa herën e fundit ka masturbuar, apo cilat janë fantazitë e tij më pikante.
Nëse ka zgjedhur sfidën mund t’i urdhëroni, p.sh. i zhveshur të qëndrojë pranë dritares së hapur, apo në ballkon dhe aty të qëndrojë tre minuta.
Poker i zhveshjes
A jeni mjeshtër/mjeshtre pokeri? Lojën erotike plotësojeni në atë mënyrë që humbësi pas çdo ndarjeje të letrave të pokerit të heqë nga një rrobë nga vetja, ndërkaq nga lakuriqësimi i humbësit deri te erotika nuk është rruga e gjatë.
Filloni nga heqja e stolive, fanellës, pantallonave dhe veshjeve të brendshme. Nëse do të keni fat me letrat, partneri/partnerja shumë shpejt do të jetë vetëm në veshje të brendshme, apo edhe pa to, madje do të jetë shumë afër “të paguajë” edhe me gjëra më të guximshme.
Si mjet pagese mund të jetë puthja në qafë, në gjoks, në prapanicë. Ju do të vendosni se cilën mënyrë të pagesës do të zgjidhni.
Natyrisht, zhveshja nuk duhet të bëhet pa intuitë, por në mënyrë joshëse dhe e përcjellë me muzikë. Kështu shumë shpejt do të filloni të kënaqeni në çdo humbje të ndarjes së letrave.
Edhe “Twisteri” mund të jetë argëtues
Ju kujtohet loja “Twister” në të cilën rrathët e ngjyrosur u urdhërojnë lojtarëve që të bëjnë poza trupore të komplikuara, dhe në të cilat fitojnë ata që mund të jenë më të përkulshëm?
Provojeni me partneren/partnerin të luani plotësisht lakuriq, apo së paku në ndonjë pjesë veshjeje të brendshme shumë seksi.
Loja e komplikuar përnjëherë do të bëhet shumë argëtuese dhe e nxehtë. Akrobacionet bëni duke gudulisur dhe duke e prekur trupin e partnerit/partneres me gjuhë, kudo që mund ta kapni.
Në këtë mënyrë do ta hutoni deri në atë masë sa që do të humbë ekuilibrin. Ai/ajo që qëndron në këmbë, me gjithë “provokimet”, është fitues/fituese e kësaj loje erotike. /NGJYRA.COM/
