Jung Hwan është një piktor shumë i talentuar nga Korea Jugore, i cili, famën botërore e ka arritur falë pikturave të detajuara të natyrës, që duken shumë realiste.
Pikturat e tij duken më shumë si fotografi, dhe vetëm nëse afroheni fare pranë tyre, do të vëreni se ato janë krijuar me ngjyra nga dora e një mjeshtri të rrallë.
Ajo që i bën të veçanta pikturat e Jungut, janë teksturat e detajuara të gjetheve, drunjve, ujit, dhe në përgjithësi, gjithë peizazhit që ka kapur syri i tij artistik.
Krijimtaria e tij me të drejtë është pagëzuar me emrin, “Pikturimi i Natyrës”, ndërsa veprat e tij shiten për mrekulli në ankande të ndryshme botërore. Psh. piktura “Pyjet e heshtura”, ishte shitur qysh në vitin 2009 për afro 16,000 dollarë.
Se çfarë është në gjendje të krijojë Jung, mund të shihni në fotogalerinë që ua sjellim në vijim. Kënaquni! /NGJYRA.COM/
