Mediat në Beograd kanë zbardhur pikat kyçe të Kapitullit 35, të njohur ndryshe në qarqet zyrtare të Beogradit si Kapitulli për Kosovën.Që në krye theksohet se BE nuk kërkon nga Serbia njohjen e pavarësisë së Kosovës, as nënshkrimin e ndonjë marrëveshjeje juridikisht të detyrueshme, por siç raportojnë mediat serbe, “gracka” më e madhe e platformës së BE-së për fushat e përfshira në Kapitullin 35 është mundësia e ‘ngrirjes’ së hapjes së kapitullit nëse mungon përparimi në marrëdhëniet me Kosovën.
