Pagoda e bukur me emrin Kakku është një nga monumentet e lashta më të mëdha dhe më spektakolare në Azi (Mianmar, ish-Birmania). Ajo ka më shumë se 2000 ngrehina të larta prej guri, apo pagoda, që për shekuj janë ndërtuar në këtë lokacion.
Legjenda thotë se pagodat e para i ka bërë Mbreti Alaungsithum, i cili sundoi në rajonin Bagan në shekullin e 12-të. Skulptura dhe pikturat dekoruese datojnë nga shekulli 17 ose 18, ndërsa disa prej objekteve janë edhe shumë më të vjetër.
Kakku gjendet në rajonin Shan, në territorin e kontrolluar nga populli Pa-OH. Mbi 2000 pagodat, të cilat janë të vendosura në rreshta të ngushtë të dendur, mbulojnë një sipërfaqe prej rreth një kilometër katror.
Pagoda kryesore është rreth 40 metra e lartë, ndërsa çdo pagodë është kryevepër në vete.
Fillimisht, të gjitha pagoda në majë kishin “kurorëza” prej ari, të cilat gjatë kohës kanë rënë në tokë ose thjesht janë “zhdukur”. Disa monumente janë dëmtuar mjaft rëndë, megjithëse shumica prej tyre ende janë në gjendje shumë të mirë.
Dekorimet e jashtme në shumë pagodave janë të thjeshta dhe shumë të rralla. Motivet tradicionale janë të ndërthurura në strukturën e tyre, duke krijuar modele delikate të cilat tregojnë shkathtësitë artistike të ndërtuesve të tyre.
Sipas një liste të Monumenteve, e cila është përpiluar për herë të fundit në vitin 1928, në këtë vend janë regjistruar 2548 pagoda. /NGJYRA.COM/
