Njihuni me bukurinë natyrale të femrave nga të katër anët e botës

Një fotografe nga Rumania kishte dhënë dorëheqje nga puna për të filluar një jetë të re. Për dy vjet me radhë, Mihaela Noroc udhëtoi nëpër vende të ndryshme të botës – ku fotografoi qindra femra të rrethuara nga kulturat e tyre.

Projekti i saj quhet “Atlasi i Bukurisë”, ndërsa, nëpërmjet portreteve të femrave natyrale – Mihaela shpërfaq diversitetin e planetit tonë.

Fotografitë, sipas saj, dëshmojnë se bukuria ekziston kudo dhe, ajo nuk është çështje e kozmetikës dhe e përmasave – por, e personalitetit që ka një femër.

Trendet globale na bëjnë të dukemi dhe të sillemi njësoj, por bukuria e njerëzve qëndron në faktin se jemi aq të ndryshëm. Në fund të fundit, bukuria gjendet brenda syve të personit që shikon dhe ai person çdoherë është dikush tjetër, thekson Mihaela.

Synimi i saj është të vazhdojë të fotografojë femrat në vende të ndryshme të botës, duke e kompletuar Atlasin e saj që e bëri të njohur në botë.

Fotografitë në vijim janë realizuar në 37 vende të ndryshme të botës (ne kemi përgjedhur 30 sosh) – ndërsa Mihaela, me një buxhet modest që zotëron – vazhdon të udhëtojë, dhe deri më tash ka vizituar mbi 60 shtete të botës. /NGJYRA.COM/