Në pjesën dërmuese të shtëpive apo banesave, qëndrimi ditor, tryezaria dhe kuzhina përbëjnë një hapësirë të vetme dhe si e tillë duhet të dizajnohet me shije deri në detajin më të vogël.
Që të arrijmë deri te një kombinim modern dhe me stil, varet dhe nga hapësira që posedojmë – nëse kemi në dispozicion një hapësirë të madhe, atëherë, lehtë mund të vendosim ulëse të formave të ndryshme, pas saj tryezarinë me 4 ose 6 karrige e cila ka qasje direkte në kuzhinë.
Është shumë e rëndësishme përshtatja e ngjyrave dhe e materialeve të qëndrimit ditor, tryezarisë dhe kuzhinës, për ta arritur efektin e harmonisë mes elementeve dhe hapësira të duket sa më kompakte.
Mundohuni që dhoma mos të jetë e stërngarkuar me mobilie të panevojshme, dhe të lirohet hapësira për lëvizje.
Në vijim do t’ju japim disa shembuj që mund t’ju inspirojnë edhe ju, se si ta mobiloni hapësirën tuaj me stil dhe elegancë. /NGJYRA.COM/
