Bota e shtresës më të pasur të shoqërisë është me të vërtetë për zili. Duke qenë në gjendje që të përshkojnë rrugët me automobilat më të shpejtë të trendeve më të fundit, të fluturojnë me aroplanë të sofistikuar në linjat ajrore dhe të lundrojnë në det me ato që mund të përshkruhen vetëm si pallate lundruese, mund të thuhet se elita e botës jeton një jetë tejet luksoze.
Mjetet e lundrimit me të cilat të pasurit lundrojnë nga kontinenti në kontinent, me të vërtetë nuk lënë vend për koment. Në vazhdim ju sjellim disa nga jahtet më ekstravagante në botë.
Anastasia
Me një gjatësi prej 75 metrash, ky jaht i projektuar nga i famshmi Sam Sorgiovanni në vitin 2008 favorizohet nga adhuruesit e aventurave për shkak të koleksionit të madh të pajisjeve sportive ujore që i ka të përfshira në bord.
Serene
Në aspektin e madhësisë dhe pajisjeve, Serene padyshim se nuk ka vërejtje. Në 134 metra të luksit të pastër, janë të përfshira një pishinë e hapur, xhakuzi dhe shumë dhoma gjumi. Serene mund të konsiderohet edhe si një vend i përkryer për organizimin e ndejave.
Christina O
Në njëfarë mënyrë kjo është një legjendë e deteve. Mund ta imagjinoni se çfarë tregimesh mund të rrëfehen për këtë jaht të preferuar nga John F. Kennedy, Sir Winston Churchill, Frank Sinatra dhe Marilyn Monroe.
Superjahti Astrada
Ky jaht thjesht është tregim në vete. Duke qenë një spektakël i vërtetë, me dizajnin unik dhe teknologjinë shumë të avansuar, Astrada duket si mjet lundrimi nga filmat e James Bondit. Me lëhtësi e arrinë shpejtësinë 17-20 nyje, ndërsa krahët anësorë sigurojnë një udhëtim të qetë dhe tejet luksoz.
Alfa Nero
I ndërtuar nga ndërtuesit e njohur të jahteve, Oceanco, Alfa Nero është në të njëjtën kohë i mrekullueshëm dhe elegant në dizajn. Kombinimi i ngjyrës së bardhë dhe të zezë në pjesën e jashtme dhe kuverta tri-shtresore e bëjnë këtë jaht një vend veçmas të përshtatshëm për ndeja të mbrëmjes. /NGJYRA.COM/
