Furnizimi jostabil me energji elektrike po vazhdon edhe pas 16 vjetësh që nga përfundimi i luftës në Kosovë. Kryeqyteti, Prishtina, kursehet më shumë nga ndërprerjet e energjisë elektrike, por kjo nuk ndodh në qytetet tjera apo fshatrat e Kosovës. Gjatë kësaj jave, ndërprerje të energjisë elektrike të planifikuar kishte pasur edhe në disa fabrika në Kosovë – ndërsa pasiguria me furnizim me energji elektrike konsiderohet si barriera kryesore në të bërit biznes në Kosovë, raporton REL.
