Premtimi i famshëm se kosovarët do të lëvizin së shpejti pa viza në Evropë, vazhdon të jetë “arma” kryesore e pushtetit me të cilën ushqen popullatën me optimizëm – se në këtë vend do të bëhet më mirë. I fundit nga zyrtarët e shtetit që është lajmëruar me një premtim të tillë, është ministri i Punëve të Brendshme, Skendër Hyseni. Fatkeqësisht, që nga shpallja e pavarësisë së Kosovës, qytetarëve të këtij vendi u është premtuar liberalizimi i shpejtë i vizave. Pushtetet po ndërrohen, ndërsa kosovarët mbesin të vetmit në rajon që jetojnë në geto.
