Nëse jeni përmalluar për një pushim aktiv, atëherë e keni parasysh sportin e mrekullueshëm të planerimit (paragliding), i cili jo vetëm që ju mundëson t’i përjetoni emocionet e fluturimit, por edhe të kënaqeni me pamje të mrekullueshme panoramike. Në vijim ju sjellim dhjetë destinacionet, të cilat ofrojnë një përvojë të paharrueshme.
10. Arkipelagu Bazaruto, Mozambik
Ky arkipelag hyjnor ndodhet 750 km larg nga pjesa kontinentale. Ky vend i largët, me plazhe me rërë të bardhë dhe ujë të kthjellët si kristali, është shumë pak i prekur nga qytetërimi.
9. Vengen, Kantoni i Bernës, Zvicër
Ky fshat është një destinacion i qëlluar për adhuruesit e bjeshkatarisë dhe skijimit, në çdo kohë të vitit. Për turistët aty ka aktivitete të ndryshme, që iu mundësojnë ta eksplorojnë edhe vendin Jungfrau-Aletsch, i cili është i mbrojtur nga UNESCO. Planerimi është një nga aktivitetet më të preferuara.
8. Queenstown, Otago, Zelandë e Re
Ky është një qytet turistik në Ishullin Jugor, atraktiv për turistë gjatë gjithë vitit. I ndërtuar përreth liqenit Wakatipu, Queenstown është i rrethuar nga Alpet Jugore, që e bëjnë atë një platformë të mrekullueshme për t’u hedhur prej saj për fluturim.
7. Castelluccio, Umbria, Itali
Me 1452 metra lartësi mbidetare, Castelluccio është fshati më i lartë në Apenine, i cili është i njohur si një fshat i vogël me lugina shumëngjyrëshe gjatë pranverës dhe verës. Për më tepër në qytet ka dhe shkolla trajnimi për planerim me varje dhe me hedhje, të cilat ofrojnë fluturime të paharrueshme.
6. Danyang, Kore e Jugut
Dy orë e gjysmë udhëtim me makinë nga Seuli dhe ju arrini në parajsën e planerimit. Ky qyteti i popullarizuar turistik është i rrethuar nga një ambient mahnitës natyror. Ka dy ndalesa për planerim me hedhje dhe planerim me varje – mali Yangbangsan dhe ai Dusan, prej ku pamjet e maleve dhe luginave janë të paimagjinueshme.
5. Rajonet Tolmin dhe Bohinj, Slloveni
Udhërrëfyesë dhe agjenci me përvojë ofrojnë udhëtime për në shumë pjesë të ndryshme në Slloveni. Në këto udhëtime përfshihen edhe transporti, akomodimi dhe shërbimet përcjellëse. Pra, të gjitha që ju nevojiten adhuruesve të vërtetë të planerimit.
4. Dune du Pyla, Gironde, Francë
Ky është një nga vendet më të famshme për planerim në Evropën Perëndimore. Falë kushteve klimatike dhe erërave, Dune du Pyla është një vend i përkryer për planeruesit që t’i ushtrojnë teknikat e ndryshme dhe natyrisht të kënaqen me pamjet e mrekullueshme.
3. Seiser Alm, Dolomite, Itali
Ky vend i famshëm i skijimit është jashtëzakonisht i përshtatshëm për planerim. Nga shkëmbinjtë guror, planeruesit fluturojnë mbi livadhin më të madh alpin në Evropë! Fluturimi me pilot zgjatë rreth 30 minuta – mjaftueshëm për t’u kënaqur me fluturimin dhe pamjet e mrekullueshme.
2. Oludeniz, Fethije, Turqi
Ky është një destinacion i bukur për pushime në jug të Turqisë, ku ofrohen edhe fluturime të paharrueshme. Gjatë fluturimit pas hedhjes nga mali Babadag, poshtë mund të shihni laguna mahnitëse ngjyrë të kaltër. Pikat e hedhjes nga ky mal kanë një lartësi mbidetare mbi 2000 metra.
1. Alpet Hautes, Francë
Shkolla e planerimit pranon fillestarë dhe të rinjë. Në dimër ky resort skijimi shfrytëzohet për argëtim dimëror, por në verë ai shndërrohet në një parajsë për planeruesit. Flurimi në Alpe – vargmalin më të madh në Evropë – është me të vërtetë i paimagjinueshëm. /NGJYRA.COM/
