Imagjinata e dizajnerëve nuk ka kufij – dhe kjo gjë dihet fare mirë. Megjithatë, nganjëherë, kjo imagjinatë e dizajnerëve di të kalojë në ekstrem. Prandaj, dhe do të ndalemi të ekstremi – sepse, në vijim ju sjellim 10 fustane më të çuditshme që janë krijuar dhe veshur ndonjëherë.
Fustani nga paratë
Fustani prej parave (funteve) është krijuar për një televizion britanik, për të promovuar fondin e lotarisë britanike. Vlera e tij llogaritet të jetë rreth 100.000 dollarë.
Fustani sfunjer
Ky fustan i gjithi është i krijuar nga sfunjerët e kuzhinës. Ai është dizajnuar nga dizajnerja Kate Cusack.
Fustani kafaz
Ky fustan i çuditshëm për shumë qëllime është dizajnuar nga dizajneri, Kasey McMahon, që jeton dhe vepron në Kaliforni të Jugut, në SHBA. Ai është plotësisht funksional, ndërsa veshja e tij shoqërohet me kanarina.
Fustani i emocioneve
Fustani “The Bubelle” është fustani i parë në botë që tregon emocionet, respektivisht që ndryshon pamjen/ngjyrat, varësisht nga disponimi i personit që e veshë atë. Ky fustan me sensorë biometrikë është punuar nga gjiganti i elektronikës, kompania “Philips”.
Fustani nga flokët
Ku fustan i çuditshëm, i modeluar nga Nina Arkley, gjendet në këtë listë, sepse i tëri është i punuar nga fijet e flokut. Ai është krijuar nga floktarja, Jodie Breed, ndërsa flokët e këtij fustani janë dhuratë e klientëve të saj.
Fustani intim
Ky fustan është dizajnuar për flirt. Fustani i quajtur “Intimacy 2.0”, është punuar nga studioja holandeze e dizajnit Roosegaarde, ndërsa përcjell të rrahurat e zemrës – dhe sa më të shpeshta të jenë ato, ai bëhet më transparent.
Fustani tendë
Fustani tendë është vepër e artistëveAdrienne Pao dhe Robin Lasser. “Arkitektura e veshjes”, siç pëlqejnë ta quajnë këta artistë – është konceptuar si veshje për natyrë që portretizon natyrën.
Fustani nga çokollata
Modelja gjermane, Alena Gerber, duket vërtetë e shijshme me këtë fustan. Në fakt, i gjithë fustani që ajo ka të veshur është i punuar nga çokollata.
Fustani nga lulet dhe gjethet
Eco-artistja, Nicole Dextras, përdor lulet në modë, duke krijuar fustane të bukura natyrale – që punohen nga lulet dhe gjethet.
Fustani nga balonat
Balonat janë lodra të preferuara të fëmijëve, por dhe të dizajnerëve. Fustanet nga balonat janë vërtetë unikate, dhe të bukura për sy – ndoshta, deri në atë moment, kur modelet që i veshin ato, nuk vendosin të ulen. /NGJYRA.COM/
