Të luash rolin e femrës së agjentit sekret Bond, është një nga punët më prestigjioze në aktrim – meqë joshja, bukuria dhe sensualiteti i roleve është i pashembullt dhe për të luajtur këtë rol, një aktore jo vetëm që duhet të jetë magjepsëse, por edhe të jetë në gjendje të reflektojë epshin dhe rrezikun që i përcjellë femrat e 007-it. Ju sjellim në vijim 10 femrat më të “forta” të Bondit – që në kinematografi njihen si “Bond Girls”.
10. Miss Caruso – Live And Let Die
Luajtur nga Madeline Smith, Miss Caruso është mishërim i një zonje argëtuese italiane që gjithmonë i bënë gjërat sipas mënyrës se saj.
9. Xenia Onatopp – Goldeneye
Xenia mund të jetë një psikopate e dhënë pas admiralëve tullac, por megjithëkëtë ajo është shumë e “nxehtë”. Rolin e Xenias e ka luajtur Famke Janssen.
8. Tracy Bond – On Her Majesty’s Secret Service
Diana Rigg ka luajtur rolin e të vetmës zonjë të James Bondit, e cila ishte shumë gjakftohtë dhe guximtare e madhe.
7. Vesper Lynd – Casino Royale
Aktorja e mrekullueshme franceze, Eva Green luajti rolin e Lynd në Casino Royale, që konsiderohet si një nga filmat më të mirë në vitet e fundit për Bondin.
6. Tatiana Romanova – From Russia With Love
Oficerja bionde sovjetike nuk ishte luajtur nga një ruse, por nga ish-garuesja për Miss Universe, italiania Daniela Bianchi, performanca e së cilës ishte e mrekullueshme.
5. Fiona Volpe – Thunderball
Vrasësja e Spectret është një nga femrat më të frikshme në histori të Bondit dhe paraqet një kundërshtar të frikshëm për 007-in. Ky rol i ishte besuar aktores italiane, Luciana Paluzzi.
4. Pussy Galore – Goldfinger
Honor Blackman në rolin e Pussyt është një nga personazhet më të famshme të Bondit dhe ka shumë të ngjarë që kjo të jetë për shkak të emrit të saj qesharak.
3. Domino Derval – Thunderball
Domino Derval fillimisht ishte Domino Vitali por producentët e filmit ishin shumë të interesuar për ta angazhuar në film aktoren franceze Claudine Auger, andaj edhe ia ndryshuan emrin.
2. Mary Goodnight – The Man With The Golden Gun
Britt Ekland ishte një nga aktoret më të famshme që ka luajtur ndonjëherë rolin e femrës së Bond-it. Megjithëse roli i saj ishte të luante femrën e hallakatur dhe të trashë nga mendja, simpatikja Goodnight ishte pranuar shumë mirë nga publiku.
1. Andrea Anders and Octopussy – The Man Wth The Golden Gun And Octopussy
Duket se falë talentit të saj, Maud Adams është e vetmja aktore që ka luajtur dy herë rolin e femrës së Bondit. E rrezikshme, joshëse, misterioze dhe e bukur – Adams duket se i ka të gjitha që duhet të ketë një femër e Bondit. /NGJYRA.COM/
