banner

E kuqe

seks lodhja1

Puna mund ta shkatërrojë dëshirën për seks


Të shpeshta janë ankesat e njerëzve se për shkak të lodhjes në punë janë tepër të lodhur për seks – në këtë ankohen edhe meshkujt edhe femrat. Vërtetë puna mund të jetë fajtore për nivelin e ultë të libidos, deri të mungesa e plotë e epshit, por ky problem nuk është i pazgjidhshëm.

Një nga mënyrat që puna t’ua shkatërrojë libidon është që, nga puna e tepërt, të ndjeheni “të stërlodhur”. Atëherë, me më dëshirë vetëm do të uleshit në veturë dhe të shkonit në shtëpi, të hidheni në krevat e të flini.

Megjithatë, ndoshta më mirë do të ishte që, përkundër lodhjes, të shkoni në rekreacion apo së paku të shëtisni deri te shtëpia juaj.

Mjaftojnë 15 minuta të aktiviteteve fizike që të nxitet rrjedhja e endorfinës e cila do t’u jap energji dhe të bëjë që të ndjeheni më mirë. Do t’u ndihmojë edhe për një ushqim me më pak proteina.

Mënyra tjetër që puna t’ua shkatërrojë libidon është kur në punë jeni nën stres të madh, atëherë jeni së tepërmi të nervozuar dhe të pa dëshirë për seks.

Në këto rrethana preferohet që të çliroheni dhe që mendimet “t’i hidhni” nga temat stresuese në tema diçka më seksi. Për këtë mund t’u shërbejë muzika seksi (nëse ju e lidhni muzikën me seksin), ndonjë rrëfim “përndezës” nga ndonjë revistë, apo edhe fotografitë seksi, nëse jeni më tepër një tip vizual.

Por, natyrisht asgjë nga këto veprime nuk është e sigurt se “do t’ju zgjojë”, por se trurit tuaj do t’ua përcjell sinjalin se mund të vije deri te diçka interesante, prandaj ju mund të reagoni më lehtë dhe me më shumë entuziazëm në nxitjet e partnerit/partneres.

Ndonjëherë u ndodh që asgjë nga udhëzimet e lartpërmendura të mos ju ndihmojnë. Nëse vërtet jeni së tepërmi të ngarkuar, apo edhe fizikisht të stërlodhur, sa mezi lëvizini, atëherë këtu vështirë se do të ketë seks.

Por, nëse gjendja juaj nuk është edhe aq e keqe, me një nxitje të vogël me format që u thanë më lartë, libidoja dhe jeta juaj seksuale nuk duhet të vuajnë për shkak të punës – kurse të bëni dashuri është një formë e marrjes së energjive të reja dha ajo do t’ju ndihmojë që të relaksoheni edhe më tej, kështu që edhe ngarkesat e punës më pak do t’ju pengojnë. /NGJYRA.COM/